Olimpi

Olimpi, mali më i lartë i Greqisë (2917 m), i vendosur në pjesën më lindore të vargmalit Kambunian, në kufi midis Tesalisë dhe Maqedonisë. Maja e tij, e mbuluar me dëborë të përjetshme, konsiderohej në mitologjinë greke si vendbanimi i dymbëdhjetë perëndive olimpiane, në krye të së cilëve ishte Zeusi. Sipas përfytyrimeve të vjetra, në majën e Olimpit ngrihen pallate të arta, ndërtuara nga Hefesti, ku mbretëron një pranverë e përjetshme: nuk ka erë, shi e as dëborë, por një dritë e qartë shkëlqen vazhdimisht. Atje perënditë mblidhen në asamble për të vendosur fatin e njerëzve dhe të botës, duke pirë nektar e duke ngrënë ambrozi, ushqimin hyjnor që u siguronte pavdekshmërinë. Olimpi duhej dalluar nga mali Otris, fortesa e titanëve, të cilët u mundën nga perënditë olimpiane gjatë titanomakisë. Në kohën historike, mali Olimp ishte vend i shenjtë, ku nuk lejohej ndërtimi i faltoreve në majë, meqë vetë maja konsiderohej si pragun e botës hyjnore. → Kulti Olimpit.