Një grua humb jetën në aksidentin në Studime — ndalohet shoferi i dehur

MITROVICË — Prokuroria Themelore në Mitrovicë ka ndaluar një person për shkak të veprës penale 'Ngasja në gjendje të paaftë apo të dehur' lidhur me aksidentin e rëndë të trafikut që ndodhi mëngjesin e sotëm në fshatin Studime, në magjistralen Mitrovicë–Prishtinë, ku humbi jetën një grua, ndërsa katër persona të tjerë mbetën të lënduar.

Sipas Prokurorisë, i dyshuari mëngjesin e sotëm në fshatin Studime, në gjendje të dehur ka vozitur veturën në shiritin e kundërt të rrugës duke shkaktuar një aksident me një veturë tjetër. Policia e Kosovës raporton se aksidenti ka ndodhur rreth orës 05:00 në rrugën nacionale Mitrovicë-Prishtinë, në fshatin Studime.

Prokuroria njofton se trupi i pajetë i viktimës është dërguar në Institutin e Mjekësisë Ligjore për kryerjen e autopsisë, ndërsa ndaj të dyshuarit është caktuar masa e ndalimit. Ekipet emergjente dhe zjarrfikësit kanë reaguar në vendin e ngjarjes, ndërsa policia po zhvillon hetime për të konstatuar shkaqet e aksidentit.

Ngjarja është duke u hetuar nga Prokuroria dhe Policia. IHMK shpall alarm portokalli, 4 persona u lënduan nga përplasja e veturës me motoçikletë në Istog, Dy persona përfundojnë në spital pas aksidentit në ‘Beteja e Loxhës’, Stuhia lë mbi 1 milion euro dëme në Suharekë, Dy të lënduar në përplasjen e dy veturave në Pejë, Vdes në QKUK gruaja e lënduar 5 ditë pas aksidentit në Mitrovicë, Stuhia dëmton Xhaminë e Temeqinës në Malishevë.

Burim: Lajmi.net, https://lajmi.net/1prokuroria-e-mitrovices-ndalon-nje-person-per-aksidentin-fatal-ne-studime-dyshohet-se-voziti-i-dehur-ne-korsine-e-kundert/
— Redaksia ZHURMA