Çfarë e bën kaq të fortë martesën e Mihrije dhe Naimit?

TIRANË — Çifti i famshëm Mihrije Braha dhe Naim Abazi ndau sekretin e martesës së tyre në emisionin 'Top Arena'. Mihrije zbuloi se sekreti është dashuria e sinqertë, e ushqyer dhe e ujitur. 'Nuk është shuar dhe nuk është tharë asnjëherë,' tha ajo, teksa Naim shtoi: 'Si lulet.'

Naim përshkroi strategjinë e Mihrije me zgjuarësi: ajo ndryshon ngjyrën e flokëve në mënyrë që ai të mos ndërrojë grua. 'Edhe pse ajo ka përdorur një strategji shumë të mirë, shpesh ka ndryshuar ngjyrën e flokëve, në paraqitje, e ka bërë mençurisht,' tha ai me qeshje.

Kur u pyet se kush ka më shumë fansa, të dy thanë se Mihrije. Naimi vetë e pranoi epërsinë e saj me humor: 'Mihrije, atë e duan si femrat si meshkujt. Mua s'më duan meshkujt, këtu është problemi.'

Naim deklaroi se nuk bëhet xheloz dhe përpiqet ta ndikojë Mihrijen të ketë sa më shumë fansa. Kur u pyet kush e thotë më shpesh 'të dua', Mihrije u përgjigj se ajo, ndërsa Naimi shpjegoi me humor: 'Unë i them me 1 janar "Të duaaaa" dhe 365 ditë jehona e mban.' Ai theksoi se nuk do të donte që Mihrija të ndryshonte.

Burim: Gazeta Metro
— Redaksia ZHURMA