Standardet Editoriale
Standardet editoriale të Zhurma Press: verifikimi, burimet, korrigjimet, pavarësia.
Redaksia ZHURMA · · Përditësuar
Këto janë standardet që drejtojnë punën tonë editoriale. Nëse gjeni diçka që bie ndesh me to, na shkruani në zhurmapress@gmail.com. Ky dokument është i gjallë — përditësohet kur praktikat tona ndryshojnë.
1. Redaksia si zë kolektiv
Çdo artikull në Zhurma del nën firmën Redaksia ZHURMA. Ky nuk është pseudonim — është zgjedhje editoriale: autoriteti i fjalës i takon gazetës si institucion, jo emrave individualë.
2. Verifikimi
Asnjë lajm nuk botohet pa u mbështetur në burime të gjurmueshme — dhe kur ngjarja nuk është dëshmuar publikisht (deklaratë zyrtare, seancë, dokument), kërkojmë konfirmim të pavarur. Çdo pjesë mbyllet me footer-in Burimi: që tregon saktë ku e ka bazën.
3. Titujt
Titujt tanë pohojnë. Thonë atë që ndodhi, me fjalë të qarta — pa klikbait, pa pyetje boshe, pa panik. Kur diçka s'është konfirmuar, e themi hapur në tekst.
4. Korrigjimet
Gabimet ndodhin; fshehja e tyre jo. Kur korrigjojmë diçka thelbësore, shënimi i korrigjimit qëndron te artikulli. Vërejtjet dërgohen te zhurmapress@gmail.com — lexohen të gjitha.
5. Fotografitë
Përdorim vetëm fotografi me licencë të pastër (arkiva jonë, burime të lira, Wikimedia Commons me atribuim). Fotoja ilustruese shënohet si e tillë.
6. Pavarësia
Zhurma nuk merr para nga parti, qeveri a grupe interesi. Jemi falas, pa reklama dhe pa artikuj të paguar. E vetmja marrëdhënie që kemi është me lexuesin.