Kush e ftoi Vendim Kapaj në kolonën zanore të "Odyssey"?

VLORË — Kompozitori gjerman Ludwig Goransson e zbuloi mjeshtrin e fyellit dhe këngës labe Vendim Kapaj përmes interpretimeve të tij në rrjetet sociale dhe emisione televizive, duke e ftuar të kontribuojë me muzikën tradicionale labë në kolonën zanore të filmit kinematografik "Odyssey".

Regjistrimet u zhvilluan për disa orë në ambientet e Teqesë së Kuzum Babait, ku Kapaj interpretoi pjesa muzikore të marrë nga fondi i traditës labë, përcjellëse të shpirtit të Labërisë, tingujve të natyrës, jetës në male, mallit, dhimbjes dhe gëzimit të banorëve të kësaj treve.

Në kolonën zanore kontribuan edhe zërat e grupit polifonik të Labërisë me artistë të njohur të këngës labe, duke i dhënë filmit një identitet të fortë folklorik dhe autentik. Për interpretuesin, pjesëmarrja në këtë projekt përfaqëson realizimin e një ëndrre të hershme të promovimit të kulturës së Labërisë ndërkombëtarisht.

Premiera e filmit do të shfaqet në Tiranë, ndërsa artisti shprehet se do të jetë i pranishëm për ta ndjekur nga afër këtë moment të veçantë të karrierës së tij, duke shënuar hyrjen e traditës muzikore labe në një prodhim kinematografik të madh.

Burim: Gazeta Tema
— Redaksia ZHURMA