Gjashtë të akuzuarit për vrasjen e rreshterit Lika deklarohen sërish të pafajshëm

FERIZAJ — Gjashtë të akuzuarit për vrasjen e rreshterit të Policisë së Kosovës, Muhamet Lika, janë deklaruar sërish të pafajshëm në seancën e re gjyqësore, sipas prokurorit. Prokurori Ismet Rrahmani tha se provat materiale dhe video-incizimet e siguruara dëshmojnë se vrasja ishte e planifikuar dhe se të akuzuarit kanë ndihmuar autorin e dyshuar para, gjatë dhe pas kryerjes së krimit.

Sipas prokurorit, një prilli i vitit 2025 kishte nisur si një ditë e zakonshme pune për rreshterin Muhamet Lika, i cili pas përfundimit të orarit të punës në Kaçanik, rreth orës 22:54, u nis drejt banesës së tij, por nuk arriti kurrë në destinacion. "Arsyeja ishte se u privua nga jeta me armë zjarri nga i mituri Rejhan Bela", ka thënë Rrahmani.

Prokurori theksoi se nga analiza e video-incizimeve të kamerave të sigurisë janë identifikuar personat e përfshirë në rast dhe se, sipas prokurorisë, Rejhan Bela është autori i drejtpërdrejtë i vrasjes, ndërsa pesë të pandehurit e tjerë kanë vepruar në bashkëkryerje duke i ofruar ndihmë para, gjatë dhe pas ekzekutimit të krimit.

Lika është vrarë më 1 prill të vitit 2025 në Kaçanik pas përfundimit të orarit të punës. U qëllua teksa po hynte në banesë. Në fotografi (nga e majta në të djathtë): Rilind Murati, Vatan Qaka dhe Haki Bela.

Burim: Gazeta Metro, https://gazetametro.net/prokurori-video-incizimet-deshmojne-se-vrasja-e-rreshterit-lika-ishte-e-planifikuar
— Redaksia ZHURMA