Portugalia eliminohet 0-1 me Spanjën, Martinez largohet

DALLAS — Portugalia u eliminua nga Spanja me rezultatin 0-1 në fazën e 1/8 të Kupës së Botës. Mikel Merino realizoi golin e vendosshëm në minutën e parë të kohës shtesë. Pas humbjes, trajneri i Portugalisë, Roberto Martinez, njoftoi se nuk do të vazhdojë në krye të Kombëtares.

Martinez deklaroi se nuk e sheh të arsyeshme të vazhdojë në krye të Portugalisë pasi objektivi kryesor ishte fitimi i Kupës së Botës. “Nuk ka kuptim të vazhdoj”, tha tekniku spanjoll, duke shtuar se vendimi nuk ishte marrë më herët, por vjen si pasojë direkte e eliminimit.

Skuadra portugeze nuk arriti të krijojë rrezik serioz ndaj mbrojtjes spanjolle, e cila vazhdon të mos ketë pësuar asnjë gol në këtë Botëror. Pas ndeshjes, mesfushori Bruno Fernandes pranoi se skuadra nuk ishte në nivelin e duhur.

Eliminimi i Portugalisë mund të shënojë fundin e një epoke për futbollin portugez. Ky Botëror mund të jetë i fundit për Cristiano Ronaldon në ndeshjet kombëtare. Sulmuesi veteran zhvilloi një paraqitje të vakët, duke qëndruar në fushë gjatë gjithë ndeshjes pa arritur të bëjë diferencën.

Spanja siguroi kualifikimin në çerekfinale, ku të premten do të përballet me Belgjikën. Kontrata e Martinez skadonte në fund të turneut.

Burim: Klan Kosova
— Redaksia ZHURMA