Pse u godit Saimir Koka nga Gent Progni?
Gent Progni akuzon truprojën e Ulsi Manjës për mënyrën e trajtimit të rastit
TIRANË — Eksperti i IT-së dhe aktivisti Gent Progni ka depozituar një kallëzim penal në Komisariatin Nr. 1 në Tiranë, pas incidentit të rëndë ku është dhunuar në 2 korrik në protestën para Parlamentit. Në një prononcim për mediat, Progni ka zbardhur prapaskenat e ngjarjes së ndodhur më 2 korrik, duke akuzuar drejtpërdrejt truprojën e deputetit të PS, Ulsi Manja.
Sipas Prognit, kallëzimi është bërë ndaj Saimir Kokës, të cilin e identifikon si personin që e ka dhunuar gjatë protestës. “Sapo bëra kallëzim drejtuar Saimir Kokës, personi që më dhunoi, badigardi i Ulsi Manjës. Më ka gjuajtur mbi 100 herë me grushta” , tha ai.
Burim: Report Tv, https://report.al/protesta-para-parlamentit-gent-progni-kallezon-truprojen-e-ulsi-manjes-saimir-koka-me-goditi-mbi-100-here-me-grushte/ — Redaksia ZHURMA