Shkupi dhe dhjetë komuna pajisen me 49 automjete të reja higjiene
Një investim prej 4.2 milionë eurosh përmes Bankës Botërore ka sjellë mjete të reja për pastërtinë publike në kryeqytet dhe dhjetë komuna të tjera.
Redaksia ZHURMA · · 1 min lexim
SHKUP — Një kontgjent prej dyzet e nëntë automjeteve të reja komunale është vënë në shërbim të pastërtisë publike, duke përfshirë qytetin e Shkupit dhe komunat e Kumanovës, Prilepit, Strumicës, Shtipit, Ohrit, Tetovës, Negotinës, Kërçovës, Dibrës dhe Velesit. Projekti kap vlerën e katër milionë e dyqind mijë eurove dhe është realizuar me mbështetjen e Bankës Botërore.
Flota e re përfshin njëmbëdhjetë kamionë shumëfunksionalë të llojeve të ndryshme, nëntë autocisterna dhe njëzet e një automjete për pastrimin e rrugëve. Gjatë prezantimit të mjeteve, kryeministri Hristijan Mickoski kërkoi angazhim më të madh qytetar për ruajtjen e mjedisit, ndërsa kryetari i Bashkësisë së Njësive të Vetëqeverisjes Lokale dhe i Shkupit, Orce Gjorgjievski, paralajmëroi ardhjen e pesë kamionëve shtesë dhe përmbylljen e afateve për kontejnerë të rinj.
