Kallëzim penal ndaj një kompanie për mungesë të kanabisit mjekësor

SPB Strumicë ka ngritur kallëzim penal ndaj një personi juridik nga fshati Borisovë i komunës së Novo Sellës, si dhe ndaj drejtuesit të këtij subjekti me inicialet V.K. nga fshati Novo Sellë dhe me banim në Strumicë. Sipas autoriteteve, i pandehuri dyshohet për kryerjen e veprave penale të parashikuara në nenin 95-c, paragrafi 1 ose paragrafi 2, të Ligjit për Kontrollin e Drogave Narkotike dhe Substancave Psikotrope.

Gjatë një inspektimi të përbashkët të kryer nga oficerët e policisë së SPB Strumicë dhe zyrtarët e komisionit kompetent nga Ministria e Shëndetësisë në ambientet ku ruhej lulja e tharë e kanabisit mjekësor, u konstatuan disa shkelje ligjore. Kontrolli tregoi se mungonte dokumentacioni për personelin e angazhuar, si dhe dokumentet e tjera të detyrueshme për funksionimin e veprimtarisë.

Gjithashtu, gjatë kontrollit në objekt u vu re mungesa e 7813.49 kilogramëve lule të thara të kanabisit mjekësor, për të cilën sasi kompania e denoncuar nuk kishte siguruar dokumentacionin dhe mbulimin përkatës të nevojshëm.