Punonjësi i OSHEE-së bie nga shtylla 9 metra në Himarë, humb jetën
Ngjarja ndodhi rreth orës 03:00, një 55-vjeçar nga Elbasani; dyshimet e para se ai mund të jetë goditur nga rryma elektrike
Himarë — Një punonjës i OSHEE-së ka humbur jetën në orët e para të mëngjesit të sotëm, gjatë një ndërhyrjeje për riparimin e një defekti në rrjetin elektrik në zonën e Himarës. Ngjarja ka ndodhur rreth orës 03:00, në një kohë kur moti i keq dhe erërat e forta kishin shkaktuar ndërprerje të energjisë elektrike në disa zona të Himarës.
Viktima është një 55-vjeçar nga Elbasani, i cili ishte dërguar për të ndihmuar ekipet lokale të OSHEE-së në rikthimin e energjisë. 55 vjeçari ka qenë i ngjitur në shtyllë, duke tentuar të rilidhë një kabull energjie, kur i është shkëputur rripi i sigurisë që e lidhte për mesi. Kjo ka bërë që të rrëzohet nga shtylla në një lartësi 9 metra, e për pasojë të ndërrojë jetë.
Ende nuk janë sqaruar rrethanat e plota të ngjarjes, ndërsa dyshimet e para janë se ai mund të jetë goditur nga rryma elektrike. Sipas Telegrafit, një punonjës tjetër i OSHEE-së thotë se ngjarja ndodhi për shkak të një defekti në rrjetin elektrik.
Burim: Gazeta Si, https://gazetasi.al/stuhia-shkaktoi-probleme-ne-rrjetin-elektrik-ne-himare-humb-jeten-gjate-nderhyrjes-punonjesi-i-oshee/
— Redaksia ZHURMA
Të ngjashme
sipas temës · #shqiperi
Shqiptarët shpenzojnë për ushqim sa 20.4% e ekonomisë — më shumë se çdo vend në Europë
Stuhia rrëzon pemët në Sarandë, tre persona përfundojnë në spital
Të mërkurën shi e shtrëngata në veri, era deri në 16 m/s në bregdet
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.