Pse protestohet fermerët para Ministrisë së Bujqësisë?
Sipas fermerëve, protesta është e pashmangshme me situatën e krijuar për mosgrumbullimin e qumështit të freskët nga fermat tona
PRISHTINË — Pakënaqësia e fermerëve kosovarë të qumështit ka arritur kulmin. Pas ndërprerjes së grumbullimit të qumështit të freskët, ata kanë paralajmëruar protestë për sot para Ministrisë së Bujqësisë, duke kërkuar zgjidhje urgjente për situatën që, sipas tyre, po i çon fermat drejt falimentimit.
Shoqata e Fermerëve Kosovarë të Qumështit njoftoi se vendimi për protestë u mor unanimisht në mbledhjen e mbajtur më 5 korrik. Ata kanë paraqitur tri kërkesa kryesore: rifillimin e menjëhershëm të grumbullimit të qumështit, publikimin urgjent të rezultateve dhe kthimin e çmimit të mëparshëm të qumështit.
Fermerët kanë bërë të ditur se në protestë do të marrin pjesë me mjete bujqësore dhe cisterna të qumështit. Njëkohësisht, ata kanë ftuar qytetarët të marrin me vete bidonë, duke bërë të ditur se gjatë protestës do të shpërndahet qumësht falas.
Burim: Gazeta Express, https://www.gazetaexpress.com/sot-protestohet-para-ministrise-se-bujqesise/
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.