Kush po e siguron Veselinoviqin në Serbi?
Golje figuron ende në orarin zyrtar 7:30–15:30 të bazës, edhe pse prej fillimit të vitit nuk shfaqet aty.
BEOGRAD — Negjelko Golje, anëtar aktiv i Njësisë Speciale Antiterroriste (SAJ) të Serbisë, po e siguron Zvonko Veselinoviqin, biznesmenin kontrovers që dikur operonte në Kosovë, sipas mediumit serb N1. Informacionin ia konfirmoi N1-it një burim i njohur me zhvillimet brenda SAJ-it.
Sipas këtij burimi, Golje ka kaluar në sigurimin e Veselinoviqit që kur Igor Zmiriq u bë kreu i njësisë në fund të vitit të kaluar, në vend të ish-komandantit në pension, Spasoj Vuleviq. Megjithëse figuron ende në regjistrat e SAJ-it me orar zyrtar 7:30–15:30, që në fillim të këtij viti nuk është i pranishëm në bazë.
Para se ta siguronte Veselinoviqin, Golje ishte udhëheqës snajper i SAJ-it. Kjo forcon perceptimin e raportuar nga N1 se regjimi i Aleksandar Vuçiqit po e mbron drejtpërdrejt Veselinoviqin.
Nuk është hera e parë që raportohet për pjesëtarë aktivë të njësive speciale serbe në role sigurie jashtë sistemit zyrtar. Vetë N1 kishte njoftuar më herët se dy pjesëtarë aktivë të detashmentit të Xhandarmërisë së Beogradit po sigurojnë Milan Radoiçiqin dhe Zvonko Veselinoviqin.
Burim: Demokracia
— Redaksia ZHURMA