Përkujtohet shkrimtari i shquar Sterjo Spasse
112 vjet nga lindja e prozatorit modern të letrave shqipe, autorit të romanit të parë filozofik "Pse?".
TIRANË — 112 vjet më parë, në Gollomboç, lindi shkrimtari i shquar Sterjo Spase (1914-1989), një nga autorët më në zë në letrat shqipe pas viteve ’30 dhe prozator me kontribute të spikatura. Romani i tij "Pse?", i botuar në vitin 1935, mbahet si romani i parë filozofik i shkruar në Shqipëri, në gjuhën shqipe.
Veprimtaria letrare e Sterjo Spasses është e shumëllojshme, duke përfshirë punime pedagogjike, tekste shkollore, përkthime, artikuj, monografi, tregime dhe romane. Ai botoi katër përmbledhje tregimesh dhe dhjetë romane, mes të cilëve kryeveprën "Nga jeta në jetë – Pse!?" (1935), "Afërdita" (1944), "Ata nuk ishin vetëm" (1952), "Zgjimi" (1973) dhe "Kryengritësit" (1983). Shtëpia e tij në Pustec është restauruar dhe kthyer në muze.
