Sa do të jenë temperaturat gjatë javës së ardhshme në Kosovë?
Instituti Hidrometeorologjik i Kosovës paralajmëron mot të qëndrueshëm me maksimalet që do të shkojnë deri në 30°C.
— Instituti Hidrometeorologjik i Kosovës (IHMK) bën të ditur se gjatë javës së ardhshme vendi do të jetë nën ndikimin e masave ajrore relativisht të qëndrueshme. Kjo do të kushtëzojë mot kryesisht me diell dhe vranësira të herëpashershme, me temperatura tipike për muajin korrik.
Për ditën e hënë, 6 korrik, parashikohet mot me diell dhe vranësira të pakta që vende-vende mund të sjellin ndonjë rigë lokale shiu. Temperaturat minimale do të lëvizin ndërmjet 10 dhe 13°C, ndërsa maksimalet e ditës do të arrijnë nga 26 deri në 30°C.
Gjatë kësaj periudhe, do të fryjë erë e lehtë deri mesatare nga veriperëndimi. Sipas IHMK, qytetarët mund të presin mëngjese të freskëta dhe ditë të ngrohta, duke ruajtur stabilitetin e masave ajrore gjatë pjesës më të madhe të javës.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.