Çfarë mesazhi dërgoi Kuvendi i Maqedonisë në përkujtimin e Srebrenicës?
Kryetari Afrim Gashi tha se përkujtimi i tragjedive të tilla duhet të jetë thirrje për reflektim, drejtësi dhe përgjegjësi morale, jo thjesht ceremoni.
SHKUP — Kuvendi i Maqedonisë bëri homazhe sot, në Dhomën Legjislative, për viktimat e gjenocidit të Srebrenicës, në Ditën Ndërkombëtare të Përkujtimit. Kryetari i Kuvendit, Afrim Gashi, tha se Srebrenica përfaqëson "një vulë të përhershme dhe të errët në ndërgjegjen e të gjithë njerëzimit". Atë mëngjes, shtoi ai, mijëra jetë humbën dhe fati i mijëra të tjerëve ndryshoi përgjithmonë.
Gashi e përshkroi atë si "një nga krimet më të tmerrshme kundër njerëzimit, si dështimi më i madh i njerëzimit". Theksoi se përkujtimi i tragjedive të tilla nuk duhet të mbetet vetëm një ceremoni, por duhet të jetë një thirrje për reflektim, drejtësi dhe përgjegjësi morale.
Kryetari shtoi se obligimi institucional dhe moral i Kuvendit është të kujtojë dhe t'u bëjë homazh viktimave të Srebrenicës, sepse kujtimi i tyre është një thirrje për të gjithë ne.
Burim: Tetova Sot
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.