Hoxhallarë nga RMV, Kosova dhe Presheva vizitojnë Turqinë
Delegacioni nga Maqedonia e Veriut, Kosova dhe Presheva është pritur në Turqi nga Prof. Dr. Mehmet Görmez.
PRESHEVË — Hoxhallarë nga Maqedonia e Veriut, Kosova dhe Presheva kanë zhvilluar një vizitë në Universitetin Ndërkombëtar të Shkencave Islame dhe Teknologjisë në Turqi, ku janë prititur nga Prof. Dr. Mehmet Görmez. Gjatë këtij takimi, Görmez ka prezantuar vizionin, misionin dhe objektivat e universitetit, si dhe planet për zhvillimin e projekteve që synojnë ta shndërrojnë institucionin në një qendër të rëndësishme të dijes, arsimit dhe kërkimit shkencor.
Pjesëmarrësit shkëmbyen mendime mbi rëndësinë e dijes, arsimit dhe institucioneve bashkëkohore në zhvillimin e shoqërive, duke e vlerësuar vizitën si një mundësi të çmuar për njohje më të afërt me këtë projekt. Në fund, delegacioni ka falënderuar Prof. Dr. Mehmet Görmez për mikpritjen dhe ndarjen e vizionit të tij.
