Protestë e shqiptarëve në New York kundër vendimit të Speciales
Shqiptarët janë mbledhur para selisë së OKB-së në New York për të kundërshtuar dënimin e ish-krerëve të UÇK-së nga Gjykata Speciale.
Redaksia ZHURMA · · Përditësuar · 2 min lexim
Shqiptarët kanë protestuar të martën para selisë së Organizatës së Kombeve të Bashkuara (OKB) në New York, për të kundërshtuar vendimin e Gjykatës Speciale ndaj ish-krerëve të Ushtrisë Çlirimtare të Kosovës.
Protestuesit kanë mbajtur në duar pankarta me mbishkrime të ndryshme dhe kanë bërë thirrje për liri, duke shprehur kundërshtimin ndaj aktgjykimit të shpallur më 16 shtator. Ndër thirrjet dhe pankartat e tyre ishin «Liri për çlirimtarët», «Ata janë heronjtë tanë», «Jo në emrin tim», «Drejtësi, jo politikë», «heronj të luftës dhe paqes» dhe «Ku janë kriminelët që masakruan 147 civilë në Izbicë».
Protestat kundër këtij vendimi janë duke u zhvilluar gjithashtu në Prishtinë, si dhe në shtete të tjera, përfshirë Kanadanë, Zvicrën, Gjermaninë dhe Austrinë.
Më 16 shtator, Gjykata Speciale shpalli fajtorë dhe dënoi ish-krerët e UÇK-së për krime lufte me një total prej 81 vjetësh burgim. Hashim Thaçi dhe Jakup Krasniqi u dënuan secili me nga 25 vjet burgim, Kadri Veseli me 18 vjet burgim, kurse Rexhep Selimi u dënua me 13 vjet burgim.
Lexo edhe
Më shumë →Kjo histori — 6 zhvillime
- 23 shtator Protestë e shqiptarëve në New York kundër vendimit të Speciales · ky artikull
- 10 tetor Fansa të Spider-Man mblidhen në New York për rekordin botëror
- 3 nëntor Vera Wang tërheq vëmendjen me paraqitjen në çmimet CFDA në New York
- 3 nëntor Trump: Bruce Blakeman ka mbështetjen time për guvernator të New York
- 5 nëntor New York: Zjarr masiv në një ndërtesë në Brooklyn lë gjashtë viktima
- 6 nëntor Kim Kardashian tërheq vëmendjen në New York me fustan transparent
