Joe Hoxha fiton në Konektikat, pesë kandidatët e tjerë shqiptarë humbasin në SHBA

Gjashtë kandidatë me origjinë shqiptare morën pjesë në garat zgjedhore të mesmandatit në Shtetet e Bashkuara të Amerikës, ku vetëm një prej tyre arriti të siguronte fitoren. Republikani Joe Hoxha u rizgjodh me sukses për një mandat të tretë në Dhomën e Përfaqësuesve të shtetit të Konektikatit. Nga ana tjetër, pesë kandidatët e tjerë nuk arritën të dilnin fitues në garat e tyre përkatëse.

Humbje në procesin zgjedhor pësuan edhe Peter Lumaj e Shpëtim Qorraj në garat e tyre në Konektikat dhe Nju Jork, si dhe Alma Sarelli në garën për Senatin e Konektikatit. Ndërkohë, Diamant Hysenaj humbi garën për Kongresin amerikan në Nju Jork, duke u përballur me kandidaten demokrate. Përveç tyre, Edlira Sako kandidoi për Partinë Demokratike në Senatin e shtetit të Miçiganit, në Distriktin 24, ku u përball me republikanin Douglas Wozniak, por projeksionet e nxorën atë me 30% të votave kundrejt 70% të rivalit.