Skandali i lobimit, Balkan Energy pagoi 1.7 milionë dollarë në SHBA

Një kontratë e re lobimi ka ngritur pyetje në Uashington, ku kompania Balkan Energy DMCC rezulton se ka paguar 1.7 milionë dollarë tek firma Ballard Partners. Sipas të dhënave, fondet janë kaluar përmes Dubait, ndërsa ligjet amerikane kanë zbuluar se zotëruesi i kompanisë është Balkan Energy sha e regjistruar në Tiranë. Për këtë çështje, opozita ka denoncuar lidhjet e biznesmenit Besnik Sulaj, i njohur si Beso i Tajvanit, me kryeministrin Edi Rama.

Dokumentet e Qendrës Kombëtare të Biznesit konfirmojnë se pronari i vetëm me 100% të aksioneve është vëllai i tij, Skënder Sulaj, ndërsa vetë Besnik Sulaj ka shërbyer si administrator ligjor gjatë vitit 2025 përpara se t'i dorëzonte çelësat në prill të vitit 2026. Bilancet tregojnë se Balkan Energy ka regjistruar humbje totale prej rreth 148 milionë lekësh në katër vitet e fundit, duke ngritur pikëpyetje se si ka siguruar kapacitetin financiar për këto pagesa të larta. Lobistët e Ballard Partners, përfshirë Brian Ballard, Sylvester Lukis dhe Jasmine Zaki, kanë mbrojtur interesat e kompanisë në Departamentin e Shtetit, Këshillin e Sigurisë Kombëtare dhe Shtëpinë e Bardhë.