Balliu: Qytetari që bërtiti kundër liderëve në protestë ishte provokator

Një incident u shënua gjatë tubimit të organizuar nga Partia Demokratike para Kryeministrisë, ku një qytetar u përplas me mbështetësit pas thirrjeve të tij. Protestuesi bëri thirrje kundër drejtuesve politikë duke brohoritur «Rama n’burg, Berisha n’burg», çka nxiti reagimin e militantëve të cilët e goditën me shpulla dhe fjalë, përpara se të ndërhynin persona të tjerë për ta larguar nga turma.

Deputeti i Partitë Demokratike, Kelvis Balliu, ndërhyri në vendin e ngjarjes për të qetësuar situatën dhe më pas e cilësoi personin si të dërguar për të nxitur tensionet. «Një provokator i qeverisë, i sjellin këtu për të sharë me fjalë të ndyra qytetarët që dalin në protestë», deklaroi Balliu lidhur me ngjarjen e shënuar gjatë tubimit.