Shkenca e dremitjes: 6 minuta mjaftojnë për kujtesë

Hulumtimi në Universitetin e Kalifornisë ka treguar se vetëm 30 minuta dremitje tri herë në javë zvogëlon rrezikun nga sëmundjet e zemrës për 37 për qind. Dremitja rekomandohet veçanërisht për njerëzit që nuk flenë sa duhet gjatë natës dhe ndihmon gjithashtu në uljen e tensionit të gjakut.

Një studim gjerman i vitit 2008 ka treguar se vetëm 6 minuta dremitje aktivizojnë procesin e kujtesës efikase. Truri në këtë kohë të shkurtër "pastron" kujtesën afatshkurtër dhe krijon hapësirë për informacione të reja që do të ruhen më vonë.

Dremitja prej 20 minutash e çon trupin në dy fazat e para të ciklit të gjumit — ngadalësohet puna e zemrës dhe përmirësohen vigjilenca, përqendrimi dhe disponimi. Edhe relaksimi i thellë pa gjumë për 20 minuta vepron njëlloj mirë.

Për ata që nuk kanë fjetur mirë natën e kaluar, 40 minuta mjaftojnë për të stimuluar përqendrimin dhe për t'i lënë sistemit imunitar kohë të rimëkëmbet. Ndërkaq, 90 minuta dremitje — cikël i plotë gjumi — ndihmon punën e trurit dhe çon në rezultate më të mira në testet komplekse me shkrim, tregon i njëjti hulumtim.

Koha optimale ndryshon sipas zakonit të gjumit: ata që zgjohen herët duhet të pushojnë rreth orës 13:00, ndërsa ata që shkojnë vonë për të fjetur duhet ta bëjnë pushimin rreth orës 14:30. Dremitja e vonë rrezikon ta prishë gjumin e natës.

Burim: Ekonomia Online, link
— Redaksia ZHURMA