Ku mund të studiohet programimi dhe AI në Prizren?

PRIZREN — Qyteti po bëhet gjithnjë e më shumë qendër e arsimit të teknologjisë. Gjimnazi TIK i UBT International Smart Schools ka nisur zyrtarisht regjistrimet e nxënësve, duke ofruar një model bashkëkohor të arsimit, ku teoria ndërthuret me praktikën. Në laboratorë të pajisur me teknologjinë më të fundit, nxënësit zhvillojnë aftësi në programim, zhvillim aplikacionesh, inteligjencë artificiale dhe robotikë, duke u përgatitur për studime universitare.

Shkolla shquhet për metodat inovative të mësimdhënies — nxënësit zhvillojnë aftësi praktike në laboratorë modernë, realizojnë projekte konkrete dhe kultivojnë mendimin kritik, kreativitetin dhe inovacionin, cilësi që kërkon tregu global i punës për profesionistë të teknologjisë.

Regjistrimet janë të hapura për nxënësit e Prizrenit, por edhe për të rinjtë nga rajonet përreth — Suhareka, Dragashi, Malisheva, Rahoveci, Mamusha — si dhe për kandidatë nga Kukësi në Shqipëri. Ky zgjerim gjeografik përfshin nxënës të motivuar nga i gjithë rajoni dhe ndihmon të forcojë kapacitetet e arsimit teknik ndërkombëtar.

Institucioni është plotësisht i akredituar nga Cambridge International Education, çka i jep standarde ndërkombëtare të cilësisë dhe një përvojë mësimore të krahasueshme me shkollat më të avancuara në botë.

Aplikimet mund të bëhen online, njofton shkolla. Regjistrimet janë tashmë të hapura për të gjithë nxënësit e interesuar, të cilët dëshirojnë arsim të standardeve ndërkombëtare në Prizren.

Burim: Gazeta Dukagjini
— Redaksia ZHURMA