Si po i godet kostoja e rrymës bizneset prodhuese në Kosovë sipas Haradinajt?
Kreu i AAK-së kërkon kapacitete të reja energjetike pas vizitës në kompaninë 'Artatex Group' në Pejë.
Redaksia ZHURMA · · Përditësuar · 1 min lexim
PEJË — Kryetari i AAK-së, Ramush Haradinaj, ka ngritur shqetësimin për barrën që kostoja e lartë e energjisë elektrike po i shkakton bizneseve prodhuese në Kosovë, pas vizitës së tij në kompaninë "Artatex Group".
Në një postim në Facebook, Haradinaj e cilësoi "Artatex Group" si storje suksesi të një biznesi familjar të udhëhequr nga Armend dhe Arber Mustafa, duke vlerësuar se kompania punëson rreth 120 punëtorë, ku 95 për qind janë gra. Sipas tij, biznese të tilla dëshmojnë se potenciali ekonomik i Kosovës qëndron te prodhimi vendor.
Megjithatë, Haradinaj theksoi se "Artatex Group", sikurse shumica e bizneseve prodhuese, po përballet me sfidën e kostos së lartë të energjisë elektrike. Ai shtoi se varësia nga importi i rrymës dhe mungesa e investimeve në prodhimin vendor po e rëndojnë ekonominë e vendit. Për Aleancën, energjia mbetet prioritet strategjik, me kërkesë për rritje urgjente të prodhimit vendor dhe investime në kapacitete të reja energjetike.
Burim: Zëri
— Redaksia ZHURMA
