Shqipëria, në krye të Europës për fëmijë nën 6 vjeç në rrezik varfërie
Të dhënat e Eurostat tregojnë se 40.5% e shqiptarëve janë në rrezik varfërie ose përjashtimi social, pothuajse dyfishi i mesatares së BE-së.
TIRANË — Rreth 72.4 milionë persona në Bashkimin Europian vijojnë të jetojnë në rrezik varfërie, ndërsa Shqipëria mbetet një nga vendet më të prekura në kontinent, sipas të dhënave të publikuara nga Eurostat.
16.3% e popullsisë së BE-së jeton me të ardhura nën pragun e varfërisë, nivel pothuajse i pandryshuar krahasuar me një vit më parë. Ndërkohë, Shqipëria renditet mes vendeve me nivelin më të lartë të rrezikut për varfëri dhe përjashtim social: 40.5% e shqiptarëve janë në këtë kategori, gati dy herë më shumë se mesatarja europiane.
Situata është edhe më e rëndë për familjet me fëmijë, ku niveli i rrezikut arrin në 44.5%. Shqipëria ka nivelin më të lartë në Europë të fëmijëve nën 6 vjeç në rrezik varfërie. Ekspertët e lidhin këtë me kostot e larta të jetesës, pagat e ulëta dhe emigracionin. Të dhënat tregojnë se rritja ekonomike e viteve të fundit nuk është shpërndarë në mënyrë të barabartë, me diferenca të theksuara në zonat rurale.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.