Çfarë ofron parku 'Dua të luaj' për Elbasanin?

TIRANË — Punimet për parkun rekreativ 'Dua të luaj' në Elbasan janë drejt përfundimit. Ky park komunitar multifunksional do të ofrojë kënde lojërash për fëmijë dhe ambiente të gjelbra rekreative për të gjitha moshat.

Kryeministri Edi Rama ka ndarë pamje nga punimet e parkut në rrjetet sociale, duke theksuar se ky investim i qeverisë shqiptare do të sjellë një hapësirë të re moderne për sport dhe rekreacion.

Me fusha sportive, pista vrapimi e biçikletash, kënde lojërash për fëmijë, mjedise të gjelbëruara dhe hapësira shërbimi, ky park do të kthehet në një pikë të re takimi për familjet dhe të rinjtë e Elbasanit.

Burim: ATSH
— Redaksia ZHURMA