Nevenka Tromp jep tri skenare për vendimin final të Hagës

Profesoresha Nevenka Tromp, ish-hulumtuese në Tribunalin e Hagës, ka paraqitur tri skenarë për vendimin përfundimtar që pritet të jepet për katër ish-krerët e Ushtrisë Çlirimtare të Kosovës. Në një intervistë për Klan Kosovën, ajo ka thënë se mundësia e parë është lirimi i të gjithëve, e dyta dënimi i të gjithëve për ndonjë vepër, ndërsa e treta përfshin lirimin e një pjese dhe dënimin e tjetrës.

“Të gjithë skenarët janë të mundshëm”, ka theksuar Tromp, duke shtuar se asnjë mundësi nuk është e përjashtuar për momentin.