FSK-ja mban ushtrime ushtarake në Koliq dhe Keqekollë deri më 2 nëntor

Forca e Sigurisë së Kosovës ka njoftuar se do të zhvillojë aktivitete dhe ushtrime ushtarake në zonën e fshatrave Koliq dhe Keqekollë, nga 30 tetori deri më 2 nëntor 2026. Këto aktivitete realizohen në kuadër të trajnimeve të rregullta të kësaj force.

Gjatë kësaj periudhe, në zonat e përmendura pritet të ketë lëvizje të shtuara të trupave dhe automjeteve ushtarake, si dhe zhvillim të ushtrimeve të ndryshme. Institucioni ka kërkuar mirëkuptimin e banorëve vendas gjatë realizimit të këtyre aktiviteteve.