Troja Bicurri dhe Hawolf shpallen fitues në festivalin «Akordet e Kosovës»

Edicioni i katërt i Festivalit të Këngës «Akordet e Kosovës» ka shpallur fituesit e vlerësimeve kryesore. Troja Bicurri ka rrëmbyer çmimin e parë me këngën «Mali dhe Hana», i cili iu nda nga ministrja e Kulturës, Saranda Bogujevci.

Ndërkohë, në të njëjtin edicion, këngëtari Hawolf është stolisur me çmimin e tretë falë interpretimit të këngës «Ti si unë». Çmimi për këtë pozicion iu dorëzua nga drejtoresha e RTK-së, Zana Spahiu.