Ndërtimi i rrethrrotullimit pritet t'i jepë fund ngarkesës në Saraj
Një projekt i ri prej rreth shtatë milionë eurosh parashikon rrethrrotullim, urë të re dhe bulevard në hyrje të Sarajit.
Redaksia ZHURMA · · 1 min lexim
Ngarkesa e madhe e trafikut në hyrje të Sarajit, për të cilën banorët janë ankuar ndër vite, pritet të adresohet përmes ndërtimit të një rrethrrotullimi, një ure të re dhe një bulevardi. Për këtë projekt janë paraparë rreth 7 milionë euro, ndërsa pritet të nisë procedura e prokurimit publik. Nga Qyteti i Shkupit bëjnë të ditur se gjatë realizimit të projektit mund të ketë edhe rrënim ose dislokim të objekteve që ndodhen në trasenë e planifikuar.
Banorët e zonës theksojnë se rrethrrotullimi është i domosdoshëm për shkak të trafikut të ngarkuar dhe mungesës së një lidhjeje direkte drejt Kondovës, e cila i detyron shoferët të bëjnë rrugë shtesë dhe krijon tollovi të mëdha.
