Incident në "Elbasan Arena", lojtari i Elbasanit bie pa ndjenja

ELBASAN — Momente ankthi dhe paniku janë shënuar në stadiumin «Elbasan Arena» gjatë takimit mes skuadrës së Elbasanit dhe Partizanit, ku u regjistrua një incident i papritur në fushën e blertë. Futbollisti i Elbasanit, Antovski, ka rënë pa ndjenja në tokë pas një dueli ajror me kundërshtarët, duke shkaktuar shqetësim të madh te të gjithë të pranishmit dhe lojtarët në fushë.

Pas ndërhyrjes së menjëhershme për t'i dhënë ndihmën e parë, lojtari ka arritur të përmendet shpejt dhe është rikuperuar nga gjendja e rëndë. Pasi ka kaluar momentet e vështira, Antovski është kthyer sërish në lojë, duke qetësuar situatën dhe duke mbyllur ngjarjen pa pasoja më të rënda.