Çfarë tregon libri i ri i Mehmet Kalisit për dialogun Kosovë–Serbi?
Si ndikojnë mediat sociale në formësimin e opinionit publik dhe dialogun ndërmjet Kosovës dhe Serbisë?
SHKUP — Shtëpia Botuese Logos-A ka botuar librin e ri të gazetarit Mehmet Kalisi, me titull «Sfera publike e lëngshme: Mediet sociale, opinioni publik dhe (pa)mundësia e dialogut Kosovë–Serbi».
Vepra trajton ndikimin e mediave sociale në formësimin e opinionit publik, duke analizuar se si këto platforma ndërtojnë narrativa dhe perceptime që ndikojnë drejtpërdrejt në proceset politike dhe shoqërore. Kalisi kombinon reflektimin filozofik me hulumtime empirike, duke argumentuar se rrjetet sociale nuk janë thjesht mjete komunikimi, por hapësira ku krijohet realiteti shoqëror.
Libri synon të nxisë debat mbi rolin e mediave sociale në dialogun ndërmjet Kosovës dhe Serbisë, duke theksuar sfidat që lindin nga formimi i diskursit publik në këto platforma.
Burim: Shenja
— Redaksia ZHURMA
