Flamur i Ushtrisë Çlirimtare të Kosovës në Komunën e Lipjanit
Kryetari i Lipjanit ka njoftuar për vendosjen e një flamuri madhështor të UÇK-së në ndërtesën e komunës në prag të zhvillimeve në Hagë.
Redaksia ZHURMA · · 1 min lexim
Në ndërtesën e Komunës së Lipjanit është vendosur një flamur i madh i Ushtrisë Çlirimtare të Kosovës, ngjarje kjo e bërë e ditur nga i pari i këtij institucioni lokal, Imri Ahmeti, përmes rrjeteve sociale ku ka ndarë edhe pamjet përkatëse.
Ky veprim simbolik ndodh në kohën kur sytë e opinionit janë drejtuar nga Dhomat e Specializuara të Kosovës në Hagë, ku po zhvillohet gjykimi ndaj ish-udhëheqësve të UÇK-së, Hashim Thaçi, Kadri Veseli, Rexhep Selimi dhe Jakup Krasniqi, teksa afrohet data gjashtëmbëdhjetë shtator për shpalljen e vendimit përfundimtar pas një periudhe rreth gjashtëvjeçare të procesit gjyqësor.
