OVL-UÇK ndan mirënjohje për biznesmenin Florent Emini

Organizata e Veteranëve të Luftës së Ushtrisë Çlirimtare të Kosovës, Dega në Viti, i ka ndarë një mirënjohje biznesmenit Florent Emini. Ky vlerësim është dhënë në shenjë falënderimi për kontributin dhe mbështetjen e vazhdueshme që Emini i ka dhënë organizatës në aktivitete dhe organizime të ndryshme.

Sipas njoftimit të kryetarit të OVL-UÇK-së në Viti, Idriz Quni, biznesmeni është pritur në zyrat e organizatës. Quni ka vlerësuar gatishmërinë e tij për të qëndruar pranë veteranëve dhe për të mbështetur organizatën në raste të ndryshme, duke e quajtur këtë kontribut një shembull të solidaritetit dhe respektit.

Gjatë këtij takimi, OVL-UÇK ka shprehur falënderimin për bujarinë dhe përkrahjen e treguar, ndërsa kryetari Idriz Quni ka përsëritur respektin e tij për të gjithë kontribuuesit që vazhdojnë të mbështesin organizatën e veteranëve të Ushtrisë Çlirimtare të Kosovës.