Nisin gërmimet në Zubin Potok për 23 intelektualët e zhdukur
Pjesë e tyre janë profesorë dhe kirurgë, zhvendosur në drejtim të Malit të Zi
ZUBIN POTOK — Familjet e të zhdukurve të njohur si Intelektualët e Mitrovicës shpresojnë se mund të zbardhet fati i tyre, pasi dyshohet se mund të fshihet një varrezë masive nga lufta. Njëri prej tyre është Erblin Ademi, i biri i kirurgut Agim Ademi, i zhdukur gjatë luftës.
Agim Ademi ishte pjesë e 23 personave të njohur si Grupi i Intelektualëve të Mitrovicës, i përbërë nga mjekë, profesorë, veprimtarë dhe qytetarë të këtij rajoni. Ata u panë për herë të fundit në fshatin Dreth të Zubin Potokut, teksa po lëviznin në drejtim të Malit të Zi, raporton RTK.
Sot, pikërisht në këtë zonë, po zhvillohen gërmime, pasi dyshohet se eshtrat e tyre mund të jenë të varrosura këtu. Në mesin e të zhdukurve është edhe Idriz Rrecaj, i njohur si "Njeriu i Madh i Drenicës", për fatin e të cilit ende nuk ka asnjë informacion.
Pjesë e këtij grupi janë edhe profesori Demir Ahmeti, doktori Fatmir Fazliu, Adem Beqiri, Sahit Berani, Hasan Dervari, Ali Haliti, Shaip Ujkani, Faton Ujkani, Mahit Ujkani, Nazim Ujkani, Shkëlzen Ujkani, Tahir Meziu, Sali Meziu, Naser Meziu, Zymer Meziu, Selim Meziu, Shaqir Meziu, Samir Meziu, Bekim Meziu, Xhevdet Meziu dhe Xhemail Meziu.
Burim: Zëri
— Redaksia ZHURMA