Aktivizimi i kamerave të sistemit «Qyteti i Sigurt» në Strugë
Sistemi i mbikëqyrjes së trafikut nis zbatimin në rajonin e Strugës, Ohrit, Kërçovës dhe Dibrës pas kontrolleve teknike.
Redaksia ZHURMA · · 1 min lexim
Kamerat e sistemit të mbikëqyrjes së trafikut «Qyteti i Sigurt» janë vënë në funksion në rajonin e SPB-së së Ohrit, përkatësisht në Strugë, Ohër, Kërçovë dhe Dibër. Nga Ministria e Punëve të Brendshme u njoftua se aktivizimi pason përfundimin e kontrolleve teknike dhe testimit përfundimtar.
Sipas MPB-së, me aktivizimin e sistemit do të mundësohet kontroll i përmirësuar dhe i vazhdueshëm i trafikut, zbulim në kohë i shkeljeve, rritje e disiplinës dhe përmirësim i sigurisë rrugore. MPB u bëri thirrje drejtuesve të automjeteve që të respektojnë rregullat e trafikut.
Sistemi për evidentimin automatik të kundërvajtjeve funksionon që nga 1 shkurti i këtij viti. Në fazën e parë, ai u zbatua në Shkup, Tetovë, Kumanovë dhe në Korridoret 8 dhe 10.
