Hoti rendit tetë sfidat e presidentes së re të Kosovës

Deputeti i Lidhjes Demokratike të Kosovës, Avdullah Hoti, ka renditur tetë sfida kryesore me të cilat do të përballet presidentja e re e Kosovës, Justina Shiroka-Pula. Në një reagim publik, Hoti ka vlerësuar se, ndonëse janë shmangur zgjedhjet e jashtëzakonshme, Kosovën e presin zhvillime të rëndësishme politike dhe institucionale.

Hoti ka vënë theks te procesi gjyqësor në Dhomat e Specializuara në Hagë, duke kërkuar një strategji të fuqishme diplomatike. Ai ka përmendur gjithashtu ngecjen e njohjeve dhe anëtarësimeve të reja, duke kërkuar rinisjen e dialogut strategjik me Shtetet e Bashkuara të Amerikës dhe rikthimin te Marrëveshja e Uashingtonit. Po ashtu, Hoti ka kritikuar qasjen ndaj dialogut me Serbinë, duke përmendur Marrëveshjen e Brukselit dhe Aneksin e Ohrit, si dhe ka shprehur shqetësime për zbatimin e Marrëveshjes së Stabilizim-Asociimit.