Zjarret shkurtuan 33 mijë hektarë pyje në Shqipëri

TIRANË — Viti 2025 ndër më problematikët e dekadës së fundit, raporti i AKM: Zjarri "shkrumboi" Shqipërinë, u përfshinë nga flakët 33 mijë ha sipërfaqe. Fondi Pyjor dhe Kullosor Kombëtar ka një total prej 34 mijë hektarësh të përshkuara nga flakët, por vetëm 16 mijë ha janë të djegura.

Raporti i AKM thotë se gjatë këtij sezoni u shkatërruan 128,597.8 m³ material drusor, nga të cilat vetëm një pjesë e vogël prej 25,634 m³ ka mbetur e përdorshme për shfrytëzim. Zjarret patën një shtrirje të gjerë gjeografike në plot 47 bashki, por rajonet në jug të vendit regjistruan dëmet më të mëdha.

Bashkitë me sipërfaqet më të mëdha të djegura në hektarë janë Delvinë me 5,845 ha, Finiq me 1,828 ha, Tepelenë me 1,512 ha, Konispol me 1,400 ha, Himarë me 1,081 ha dhe Gramsh me 982 ha. Berat dhe Qarku i Vlorës janë në rang kombëtar me diferencë të ndjeshme nga qarqet e tjera.

Shkaqet kryesore të kësaj situate të rëndë ishin kombinimi i aktivitetit njerëzor me kushtet klimatike ekstreme. Temperaturat shumë të larta, thatësira e zgjatur dhe erërat e forta krijuan terrenin ideal për përhapjen e shpejtë të flakëve, veçanërisht në zonat e pyllëzuara me pishë, ku prania e halave dhe rrëshirës e përkeqësoi situatën.

Aktiviteti njerëzor mbetet faktori determinues përmes: djegies së mbetjeve bujqësore pa marrë masat e nevojshme të sigurisë, zjarreve të ndezura për hapjen e kullotave të reja që dolën jashtë kontrollit, hedhjes së cigareve të ndezura në natyrë dhe mungesës së përgjithshme të ndërgjegjësimit qytetar.

Shkaqeve aksidentale teknike, si defektet në linjat elektrike që kalojnë mes pyjeve apo shkëndijat nga mjetet motorike në terrene të thata, zjarrvënieve të qëllimshme, të lidhura shpesh me konflikte pronësie, pastrim të paligjshëm të tokës apo spekulime për zhvillim urban, vazhdojnë të mbeten me shkaqe të panjohura, ndërkohë që 20 raste janë klasifikuar si njerëzore të paqëllimshme dhe vetëm 3 si të qëllimshme.

Burim: Top Channel

— Redaksia ZHURMA