Yll Limani me emblema të UÇK-së në koncert: “Zemra e Kosovës është në Hagë”

Yll Limani ka mbajtur një koncert në Shtutgart të Gjermanisë, ku u paraqit me një këmishë të zezë me emblema e Ushtrisë Çlirimtare të Kosovës. Para qindra të pranishmëve, artisti tha: “Sot më shumë se kurrë duhet të jemi bashkë, sepse zemra e Kosovës është në Hagë. Ata duhet të kthehen në vendin e tyre”. Pas mesazhit, ai interpretoi këngën “Kthem”, e dedikuar shtëpisë dhe vendlindjes. Ky është zhvillimi më i fundit pasi Limani kishte kushtuar një koncert të mëparshëm ish-krerëve të UÇK-së.