Flamuri kuqezi në Madison Square Garden: Marko Kepi promovon trashëgiminë shqiptare në…
Organizata Albanian Roots bashkëpunon me Madison Square Garden për një mbrëmje kushtuar trashëgimisë shqiptare gjatë një ndeshjeje hokeji.
Redaksia ZHURMA · · 1 min lexim
Madison Square Garden do të organizojë një mbrëmje kushtuar trashëgimisë shqiptare më 7 dhjetor, gjatë një ndeshjeje hokeji. Aktiviteti, i quajtur Albanian American Heritage Night, synon të promovojë identitetin shqiptar dhe të bashkojë komunitetin shqiptaro-amerikan përmes sportit. Marko Kepi, president i Albanian Roots, ka njoftuar organizimin e këtij aktiviteti përmes rrjeteve sociale.
Madison Square Garden dhe Albanian Roots do të bashkëpunojnë për këtë mbrëmje, e cila do të përfshijë një kapelë ekskluzive të New York Rangers me flamurin shqiptar. Pjesë e të ardhurave nga biletat do të shkojnë për mbështetjen e nismave të organizatës, e njohur për promovimin e trashëgimisë shqiptare në Shtetet e Bashkuara.
