Çfarë i pret serbët në Kosovë pas zgjedhjeve sipas Vuçiqit?
Presidenti serb akuzon Perëndimin se nuk ushtron presion mbi Prishtinën për Asociacionin e komunave serbe.
BEogrAD — Presidenti i Serbisë, Aleksandër Vuçiq, deklaroi se serbët në Kosovë "i pret një periudhë e vështirë edhe pas zgjedhjeve" të 7 qershorit. Ai akuzoi Bashkimin Evropian dhe Perëndimin se nuk kanë ushtruar presion ndaj Prishtinës për themelimin e Asociacionit të Komunave me Shumicë Serbe, duke shtuar se kjo ka ndikuar në përkeqësimin e situatës në terren.
Vuçiq e cilësoi aksionin e autoriteteve të Kosovës në objektet e hekurudhave në veri si "vazhdim të presionit ndaj komunitetit serb". "Ne po përpiqemi të ndihmojmë aq sa mundemi në këto rrethana, edhe pse mundësitë janë të kufizuara", tha ai, duke shtuar se "zgjidhja nuk është braktisja e vatrave të tyre".
Edhe drejtori i Zyrës për Kosovën në Qeverinë e Serbisë, Petar Petkoviq, dënoi aksionet, duke i vlerësuar si presion ndaj serbëve në prag të zgjedhjeve lokale.
Burim: Zëri
— Redaksia ZHURMA