Tërmeti me magnitudë 4 në Shqipëri lëkund Strugën
Lëkundjet e regjistruara sot në mëngjes kishin magnitudë 4 të Rihterit dhe intensitet prej tre ballësh në rajonin e Strugës.
Redaksia ZHURMA · · 1 min lexim
STRUGË — Një tërmet me epiqendër në Shqipërinë fqinje është ndjerë mëngjesin e sotëm në qytetin e Strugës dhe në zonën që e rrethon këtë komunë. Lëkundjet e tokës kanë qenë të intensitetit prej tre ballësh, bazuar në vlerësimet zyrtare sipas Shkallës Evropiane të Makroseizmikës.
Sipas të dhënave të prezantuara nga Observatori Sizmologjik pranë Fakultetit të Shkencave Matematiko-Natyrore në Shkup, epiqendra e këtij tërmeti ka qenë rreth 144 kilometra në jugperëndim të Shkupit. Ky stacion sizmologjik njoftoi se tërmeti kishte një magnitudë lokale të Rihterit prej 4.
Burim: Almakos
— Redaksia ZHURMA
