Si u zbulua call center-i i mashtrimit në Shkodër?
Policia arrestoi 4 organizatorë dhe procedoi penalisht 61 punonjës pas një operacioni në lagjen 'Vasil Shanto'.
SHKODËR — Policia e Shtetit ka goditur një call center në lagjen "Vasil Shanto", ku dyshohet se kryhej mashtrim kompjuterik kundër qytetarëve. Operacioni, i koduar "Network", u krye nga Krimi Ekonomik dhe Kibernetik në Drejtorinë e Përgjithshme të Policisë.
Gjatë ndërhyrjes u arrestuan në flagrancë katër persona, të cilët identifikohen si organizatorë dhe drejtues të veprimtarisë kriminale. Ndër të arrestuarit është edhe administratori i subjektit. Gjithsej, 61 punonjës u proceduan penalisht, pasi u kapën në vendin e ngjarjes.
Policia ka sekuestruar 152 pajisje elektronike, të cilat dyshohet se përdoreshin për kryerjen e mashtrimeve. Hetimet vazhdojnë për të përcaktuar shtrirjen e skemës dhe viktimat e mundshme. Si funksiononte skema e mashtrimit në Shkodër?
Burim: Report Tv
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.