Vdes 39-vjeçari i goditur nga vetura në Zahaq të Pejës

PEJË — Tragjikisht përfundoi aksidenti i rëndë i ndodhur më 23 qershor në fshatin Zahaq të Pejës. Këmbësori 39-vjeçar, Diamant Goska, i cili kishte qëndruar për disa ditë në gjendje të rëndë shëndetësore, ndërroi jetë pasditen e së enjtes pasi nuk u mbijetua plagëve të marra.

Ngjarja ndodhi në rrugën Pejë–Klinë, në afërsi të pompës "Swiss Oil". Sipas hetimeve fillestare, dyshohet se 51-vjeçari Bashkim Kuqi, drejtues i një automjeti Volkswagen, nuk e kishte përshtatur shpejtësinë me kushtet e rrugës dhe goditi Goskën në momentin kur ai po kalonte rrugën.

Me urdhër të Prokurorit kujdestar, trupi i pajetë është dërguar në Institutin e Mjekësisë Ligjore për obduksion. Njësia Rajonale e Hetimeve të Aksidenteve në Pejë po vazhdon punën për zbardhjen e plotë të rrethanave të këtij aksidenti që rezultoi me vdekje.

Burim: Sinjali
— Redaksia ZHURMA