Sa të nxehtë do të jetë moti në Kosovë dhe rajon deri të martën?

PRISHTINË — Moti sot në Kosovë do të jetë kryesisht me diell dhe temperaturat do të shënojnë rritje të ndjeshme, sipas parashikimeve të MeteoBallkan. Temperaturat minimale pritet të zbresin deri në 16 gradë Celsius, ndërsa ato maksimale do të arrijnë deri në 34 gradë.

Në rajon, situata nuk do të jetë shumë ndryshe. Në Shqipëri, Maqedoninë Veriore, Luginën e Preshevës dhe Malin e Zi, moti do të mbetet i nxehtë dhe me diell. Temperaturat maksimale pritet të arrijnë deri në 38 gradë në Maqedoninë Veriore dhe 39 gradë në Shqipëri, veçanërisht në zonat më të nxehta.

Megjithatë, në disa zona malore mund të shfaqen zhvillime konvektive, me rrebeshe të izoluara shiu, vetëtima dhe bubullima. Këto dukuri pritet të jenë më të shpeshta në orët e pasdites dhe mbrëmjes, por pa rrezik të madh për zona të gjera.

E diela dhe dy ditët e para të javës së re do të jenë po aq të nxehta, me temperatura që në Kosovë pritet të arrijnë 36 gradë. Të martën, megjithatë, parashikohet një ndryshim: pasdite mund të shfaqen zhvillime të fuqishme konvektive, me rrebeshe të fuqishme shiu, vetëtima, bubullima dhe breshër në disa pjesë të vendit.

Instituti Hidrometeorologjik i Kosovës konfirmon se temperaturat minimale do të lëvizin ndërmjet 10 dhe 13 gradë, ndërsa ato maksimale do të arrijnë 28 deri në 33 gradë gjatë ditës së shtunës. Era do të fryjë e lehtë deri mesatare nga verilindja, me shpejtësi 15-38 km/h.

Burim: Gazeta Express, Demokracia, ATSH, Gazeta Dukagjini, Sinjali
— Redaksia ZHURMA