Sa do të arrijnë temperaturat gjatë kësaj fundjavë?

PRISHTINË — Instituti Hidrometeorologjik (IHK) njofton se gjatë fundjavës vendi do të mbetet nën ndikimin e masave ajrore relativisht të qëndrueshme. Parashikohet mot kryesisht me diell dhe vranësira të pakta deri mesatare, kushte që konsiderohen të favorshme për transportin dhe aktivitetet në natyrë.

Për të shtunën, temperaturat minimale do të lëvizin mes 10 dhe 13°C, ndërsa maksimalet do të arrijnë deri në 33°C. Era do të fryjë e lehtë nga verilindja dhe veriperëndimi me shpejtësi 1–5 m/s. Të dielën, maksimalet do të ulen lehtë, duke arritur 28 deri në 32°C me erë të dobët.

Kushtet agrometeorologjike janë optimale për pjekjen e drithërave në prag të fushatës së korrje-shirjeve të grurit. Aktivitetet priten të nisin më shpejt në rrafshin e Dukagjinit, ku korrjet fillojnë rreth 10 ditë më herët se në rrafshin e Kosovës për shkak të kushteve klimatologjike.

IHK rekomandon shmangien e ekspozimit të panevojshëm në diell gjatë mesditës dhe pasdites për shkak të rrezatimit të lartë UV. Popullata këshillohet të konsumojë mjaftueshëm lëngje për të përballuar rritjen e temperaturave dhe intensitetin e lartë të rrezet diellore.

Burim: Telegrafi
— Redaksia ZHURMA