Raiffeisen konfirmon rastin e Përparim Ramës: Kemi marrë veprime
Banka Raiffeisen ka trajtuar ankesën e kryetarit të Prishtinës pasi një zyrtar dyshohet se u qas në llogarinë e tij.
Redaksia ZHURMA · · 1 min lexim
Banka “Raiffeisen” ka njoftuar se ka ndërmarrë veprimet e nevojshme pas ankesës nga kryetari i Prishtinës, Përparim Rama, lidhur me qasjen e paautorizuar në llogarinë e tij bankare. Sipas bankës, rasti është trajtuar në përputhje me rregulloret dhe janë njoftuar autoritetet kompetente, ndërsa refuzuan të japin detaje të tjera duke përmendur ruajtjen e konfidencialitetit bankar.
Kabineti i kryetarit të Prishtinës deklaroi se një punonjës i bankës është qasur pa autorizim në transaksionet dhe llogarinë e kreut të komunës dhe i ka shpërndarë ato. Nga zyra e Ramës bënë të ditur se institucioni financiar ka konfirmuar identifikimin dhe shkarkimin e zyrtarit të përfshirë, ndërsa paralajmëruan hapa ligjorë ndaj palëve të përfshira.
Siç raportoi Zhurma më 31 tetor 2026, kryetari i Prishtinës ishte marrë në pyetje nga Prokuroria Speciale në kuadër të hetimeve për keqpërdorim të detyrës zyrtare.
Lexo edhe
Më shumë →Kjo histori — 6 zhvillime
- 10 tetor Gjykata Supreme i reagon Përparim Ramës për lëndën e NPB-së
- 30 tetor Azemi: Shpresoj që Përparim Rama të përfundojë në burg sa më parë
- 31 tetor Prokuroria e intervistoi Përparim Ramën si të pandehur për Arkitektin e Kryeqytetit
- 2 nëntor Përparim Rama: Qeveria rrezikon Lojërat Mesdhetare pas miratimit të buxhetit
- 3 nëntor Përparim Rama: VV-ja po bën show politik para Prokurorisë
- 5 nëntor Raiffeisen konfirmon rastin e Përparim Ramës: Kemi marrë veprime · ky artikull
