Çitaku takohet me ambasadorin britanik, diskutojnë sfida dhe euroatlantizmin

Ushtruesja e detyrës së kryetares së Partisë Demokratike të Kosovës (PDK), Vlora Çitaku, priti sot në takim ambasadorin e Mbretërisë së Bashkuar në Kosovë, Jonathan Hargreaves. Palët diskutuan për zhvillimet politike në vend, duke vlerësuar pozitivisht përfundimin e procesit të formimit të institucioneve. Çitaku theksoi se Kosova përballet me sfida të rëndësishme që kërkojnë përqendrim në adresimin e tyre dhe avancimin e prioriteteve shtetërore.

Gjatë takimit, Çitaku theksoi rëndësinë e respektimit të standardeve të larta të drejtësisë, duke theksuar se procesi gjyqësor pranë Dhomave të Specializuara në Hagë duhet të bazohet në fakte dhe prova, pa ndikime politike. Palët riafirmuan gjithashtu rëndësinë e partneritetit të qëndrueshëm me aleatët e Kosovës, duke synuar anëtarësimin në NATO dhe Bashkimin Evropian.