Pse po mbeten pa vjelë qershitë e Dvoranit?
Si po ikin punëtorët sezonalë drejt Greqisë dhe çfarë kostoje kanë fermerët?
KORÇË — Në kulmin e sezonit të vjeljes, fermerët e fshatit Dvoran në Korçë po përballen me mungesë krah pune, duke rrezikuar që një pjesë e mirë e prodhimit të qershisë të mbetet në pemë.
Prodhimi i këtij viti është i mbarë dhe me cilësi të lartë, por në parcela mungojnë vjelësit. Shumica e punëtorëve të gjetur janë pensionistë nga fshatrat përreth, ndërsa të rinjtë preferojnë punë sezonale në Greqi, ku pagesat janë më të larta. Për më tepër, personat që ofrohen shpesh nuk kanë përvojë në vjelje, kështu që fermerët mbështeten te familjarët për t'i mbaruar punët në kohë.
Dvorani është prodhuesi kryesor i qershisë në qarkun e Korçës, me më shumë se 130 hektarë të mbjellë dhe rreth 3 mijë tonë prodhim vjetor. Kërkesa për qershinë e Dvoranit mbetet e lartë në Tiranë, Shkodër, Vlorë dhe qytete të tjera, por fermerët thonë se çmimi i shitjes nuk i kompenson kostot e prodhimit.
Burim: ABC News
— Redaksia ZHURMA