Pse ministri Muja dërgoi 25 inspektorë pa paralajmërim te 'Vita'?
Akuzat e drejtorit Artan Spahija për favorizim ndaj Serbisë dhe presion mbi prodhuesit vendorë
ISTOG — Drejtori i përgjithshëm i qumështores „Vita“, Artan Spahija, ka akuzuar qeverinë e Albin Kurtit për favorizim ndaj Serbisë pasi Ministria e Bujqësisë dërgoi 25 inspektorë pa paralajmërim për të mbyllur fabrikën.
„Ministri i cili më shumë e do Serbinë, më shumë sesa neve. Do më shumë me hy qumësht prej Serbisë, në Maqedoni e me u fut në Kosovë, sesa qumështi i ‚Vitës‘“, deklaroi Spahija, duke shtuar se kompania nuk do të dorëzohet. Ai premtoi punëtorëve se pagat do të paguhen pavarësisht mbylljes.
Ministri Armend Muja urdhëroi inspektimin e papritur, të cilin Agjencia e Ushqimit e Ushqyerjes së Kafshëve (AUVK) e justifikoi me uljen e prodhimit të qumështit nga 1 korriku për shkak të mungesës së tregut. Eroll Shehu, zyrtar i AUVK-së, konfirmoi se urdhri erdhi drejtpërdrejt nga ministri.
Spahija theksoi se „Vita“ ka produkte të tjera dhe nuk do të ndalet: „Nuk ka mujt as Serbia me na ndalë. Ju mos keni merak, rrogat ja’u qesim“. Reagimi vjen pasi kompania u detyrua të pezullojë aktivitetin nën presionin e inspektorëve.
Burim: Gazeta Express
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.